Er sygi die letscht Wuchen in d Stadt go luege, hed miir der Noldi vom Chlöpfgatterhoof verzellt, öbs nöime deere verchläideti Fraue heebi. Deere, wo iires Gsicht nit wellen oder dörfe zäige. Gspässig: Fraue mit Schleier häig er käini gsee. Derfür e Bandi Schangi mitere Kabuzen uf em Niss und emene root-blaue Hudel um s Gfrees umme. Er häig fascht e chlyy Angscht überchoo, wo die gragöölende Hoosesäicher an iim verbyyzoge syge. En Yyhäimische häigi iin aber berueigt, er müsi käi Angscht haa. Das syyge nummen e baar Volldrottel, wo an es Schutti-Spiil gieche.
Niss = Kopf
Gfrees = hässliches Gesicht
