Gmäindroots-Waale bii de Stäibräägler – und es wird äine gweelt, wo äigedlig gar nit hed welle. Die Waal häigi iin e chly uf em lingge Fuess verwütschd, säit der Früschgweelti und macht öbbis, wo iin vo villen andere, gweelte Gmäindrööt underschäidet: Er dänkt nooche. Er macht sich Gedanke, öb er das Amt sell übernee. Öb er die villi Aarpet mäischteri oder öb er äifach zum politische Schaaryyse degradiert wärdi. Glückligi Chilchbäärgger. Jetz häi die e nöie Gmändroot, wo noonig im Amt isch und scho dänkt. Das isch doch emol en erschte Schritt, wo Hoffnig macht.
Stäibräägler = Neckname für die Bewohner von Kilchberg
Schaaryyse = Scharreisen vor dem Hauseingang, um die Dreckklumpen an den Gummistiefeln zu entfernen
