Es syg halt schon efangen es schuurigs Gchees uf de Stroosse, hed der Breesi vom «TCS-Sektion beider Basel» gsäit und er beobachti «eine zunehmende Aggressivität bei den Autofahrern.» Tschuld syyge die ville Boustelle, wos iimer wiider zue langen Autischlange cheemi und e huffen Autifaarer drum halber lätz miechi. Iich laad der Preesi vo allne Autifaarer gärn emool uf Sissech yy cho z luege, wies ammen am Samschtig, so um die Zääni umme, in der Begeegnigszoone zue und hääre goot. Boustelle hets dört e käini. Aber äinewääg: Samschtig für Samschtig isch dört e Zanggeden um Parkblätz und es unerchannts Hii- und Häärgekaare, as deene, wo z Fuess oder mit em Weeloo underwäggs syy, ganz gschmuech wird und me fascht e chlyy chönnti daub oder eben «aggressiv» wäärde.
Gchees = Durcheinander
unerchannt = rücksichtslos
