Jetz häissts Achtig gee. Z Züri hed me beschlosse, as d Jeeger ap sofoort uf Hünd, wo im Wald ummelöitsche, dörfe büffere. Iich gsees scho choo und s goot nümm lang, as au d Baaselbieter Jeeger dörfe vierbäinigi Löitschi apschiesse. Das macht miir jetz aber nit würklig Soorgge. Iich haa jo käi Wouwou, wo wien e Düppelhürnige duur e Waald sieched. Was miir vill mee Soorgge macht, isch öbbis anders. Ich hoff nämmlig numme, as iich vo de Sissecher Jeeger, wenn iich s nechscht Mool bii iinen e Rebbock oder e Wildsou chauff, nit e geedrige Hund überchumm. Me wäis jo, as d Grünchittel zwüschenyyne ganz apgschlaageni Käärli chönne sy.
Löitschi = streunender Hund
büffere = schiessen
