Übers Wuchenändi hed mes im Baaselbiet zimmlig lo schnättere. Uf em Wytschbrg sy Buebe, und Manne, wo sich voorchoo sy wie Buebe, mit iire Säiffichischte d Strooss apgsiechet. Z Seewen isch en eehemooligen argentinische Chüeir, wo derhäärchunnt wiene tätowierti Litfasssüüle, wien e halbverruckte durs Dorf gfözd. Im Underschiid zue deene z Wytschbrg isch er nit mitere Säiffichischte dur d Geegend gsoued. Soo wie dä «Gaucho»-Cummerbueb ummeblochd isch, isch er allwääg eender mit Säiffiblooteren in der Biiren underwäggs gsii.
Wytschbrg = Wittinsburg
Chüeir = Kuhhirte
