Aber au. Jetz häi sy doch z Züri enere so uufdagglede Amerikaanere nit wellen e fümfedryssgduusig Franke düüri Handdäsche verchauffe. Schlimm isch aber nit, as s Laade-Frölläin gmäint hed, d Chundin chönni sich die Däsche nit läischte. Schlimm isch eenter, as s Handdäsche git, wo fümfedryssgduusig Franke choschte. Aber es git no vill schlimmeri Momänt im Lääbe vonere Laadedochter. Z Gälterchinde, es isch schon e Rung här, hed e altyygsässeni Brootwurschtzipflere s Ghackt wiider in d Metzg zrugg brocht, will dr Bsuech, wo sii yyglaade häigi, nit choo syyg. Was der Metzger mit em Ghackte gmacht hed, isch nit überliifered.
Draguunere = energische Frau
Brootwurschtzipfler = Neckname für die Bewohner von Gelterkinden
