E huffe Grüenchittel würds schuurig wunder nee, öb der Oberscht Scheff vo de Baaselbieter Jeeger jetz e Bock oder doch nummen e gattlige Summerbock gschosse hed. Me chüscheled jo hindeduure, as im «Kantonalen Veterinär-, Jagd- und Fischereiwesen» e baar Wilderer s Revier unsicher mieche. Und: D Jeeger wüsses jo am beschte, as gschnäll cha goo, as e Schuss hindenuuse oder nääbedure goot. Was die, wo nit im Wald ummebülvere, jetz aber no vill mee wunder nimmt, isch, öb ächt jeede, wo mitemene Chaarscht durs Holz rämsed, au e Jeegerbrüeffig im Chüttelsack hed. Miir wäis doch hoffe!
Chaartsch = Gewehr
rämse = zügig laufen
