Jetz hed der Noldi vom Chlöpfgatter Hoof aber der Schnauz gstellt. Er hed nämmlig in der Zyttig glääse, as e baar Chineese hygienischi Mängel in öise Schööl gfunde häige. «Grad d Chineese», hed er gruured. «Grad die müesen e groossi Rööre haa, wo mit versüüchter Milch iiri Chinder schöppele, de Schlange bi lebändigem Lyyb d Hut über e Chopf zieie, Müüs und Ratten ässe oder sünscht öbbis Gruusigs chnaschle.» Fertig Schluss mit Lääbere Härz und Lunge uf China schicke. Jetz ässi er halt d Söifüessli und Söischwänzli und alli Inneräie wiider sälber und d Chineese selle luege, wo sii das Züg här nääme – joowoll, Häiterefaane!
School = Schlachthaus
chnaschle = geräuschvoll essen
