Doo gseet me wiider äinisch, wie oltvätterisch d Stedter doch syy. Numme will d Faasnechts-Glygge «Basler Bebbi» hüür am Cortège mitere fümfchöpfige «Punk-Rock-Band» soumeessig e huffe Läärm gmacht hed, chömme die arme Chäibe numme d Hälfti vo de «Subventione» über. Derbyy isch daas mitere Stereoaalaag und emene Souchrach uf em Faasnechts-Waage allwäg faasnächtligi Zuekumft. Bii öis uf em Land hed ämmel scho fascht jeedi Waage-Glygge e son e Chrachmaschiinen uf iirem Waage. Und soo goots allwäg nümme lang, bis der «DJ Antoine» mit e baar halbblutte Zürcher-Gumslen am Umzug oder Cortège mitmacht – waarted numme!
oltvätterisch = altmodisch
Gumsle = aufgetakelte Frau
