Äigedlig mache beed non e Gattig. Der äint mit syym «Pepsodent»-Zänne und der ander mit syym «Dalton»-Chiini. Item. Öbbis isch aber glyych e chlyy kchuurlig. Die, wo dä mit em «Pepsodent»-Zännen im Baaselbieter Regierigsroot wette, syy jo äigedlig die, wo möögligscht weenig Staatsaagstellti wäi. Und jetz chömme die uusgrächnet mit äim, wo bim Bund schafft. Aber woorschyynlig dänke die, wo dä mit em«Pepsodent»-Zännen im Baaselbieter Regierigsroot wette, as är allwäg am beschte wüssi, wie me de Staatsaagstellte Bäi macht – nämme miir ämmel emool aa.
zänne = grinsen
Daltons = die Daltons sind Figuren aus der Comic-Reihe „Lucky Luke“