As aktive Faasnächtler nimmts dii öbbe drei Daag vor der Faasnecht wunder, waas für Wätter an de herrligschte föif Dääg im Joor isch. Doo derfür luegsch im Dateverarbäitigsgrät uf 68 verschiidnige Wätter-Sytte nooche, öbs diir uf e Grind rägnet oder öb de die churze Hoose chönnsch aalegge. Bsundrig bi däm Noocheluegen isch jetz aber, as es uf dene 68 Wääterkanääl 68 Mool verschiidnigs Wätter git. Äinewääg: Wichtig isch äifach, as es anstatt emene zümftige Wätterläichne es gattligs Höiwääter git. Häit e schööni Faasnecht, und wär wäiss: velicht gseiet diir nöime der Pabscht – Zytt hätti er jetz jo!
Wätterläichne = Wetterleuchten
Höiwätter = schönes, beständiges Wetter
