Soo, mit der Chluriverbrennig z Sissech isch au bii öis d Faasnecht umme. D Maya hed heerlig gläädered und der Niggi, iire Maa, cha äi Aalass meh aphöggle, wo syy Frau und nit är im Mittelpunkt gstanden isch. Äigedlig häi sich hüür alli gattlig uufgfüert an der Faasnecht. Usser e baar Naare (wyyblig und männlig), wo immer no mäine, in deere Zytt, syygs doo oder z Baasel, dörf men alles mache. Es dunkt mii alsfott mee, as es efange zwee Faasnechte git. Äimool die vo den Aktive, und denn die vo ebe deene, wo bsoffen und mit ere wäiche Biire dur d Stroosse zie und es Schlachtfääld vo Güsel, Chotzede und verbrünzleden Egge hinderlöie – e schööni Faasnecht daas!
Laaferizüüg = Blödsinn
läädere = lodern
