Soo, jetz häi miir drei Kärliburschte, wo wette d Noochfolg vom Baaselbieter Säckelmäischter übernee. So guet, so rächt. Waas mir jetz aber bim äinte, däm vo deere Bartei, wo immer s Bartei-Volch s letschte Wort hed, uufgfallen isch, syy zwöi Sache. Erschtens: Allem aa mues me, wenn me will Regierigsroot wärde, Schooff züchte. Mir häi doch schon emool äin ghaa – joo, dä vo Wintersinge – wo Hääli ghaa hed. Zwöitens: Bii deere Nominatioon – und nid numme bii der Volchsbartei – ischs e chlyy zue und hääre gange, wie früener z Russland. Zerscht wird nominiert und denn darfs s Bartei-Volch no mit em Chopf nicke. Aso Zytte syy daas, fascht scho wie im alte Rom.
allem aa = anscheinend
Hääli = Schaafe
