Es isch allewyyl s glyych. Laufts äinisch d Schyyssgass ap, chunnts numme no verreckter. Graad esoo goots im Momänt de Schruubedämpferli-«Virtuoose» vom EHC Zunzge-Sissech. Zerscht chömme sii duuschuur äin ufs Dach über, und jetz gheit deene Schlyffyyseler nächschtens s Kunschtidach uf d Chürpse. As daas nit bassiert, hed der Sissecher Gmäindroot d Kunschti jetz gschlosse – ämmel für e Momänt. Für d Hockeiaaner isch daas aber numme vo Voortäil: So lang sii nämmlig dehäi nit spiile, chömme sii dehäi au nit uf e Schnauz über.
D Schyyssgass ap = krummlaufen
schlyffyysele = Schlittschuh laufen
