Meentig, der 15. Oktober, vierzääninullacht: D «Volksstimm»-Redakter dimbere vor sich aane. Vierzääninullnüün: Wien e Bombe schloot d Mäldig yy, bim FC Baasel häig me dr Heiko Vogel gspäiched – nöi chiemi der Murat Yakin. D Redakter verwachen und es foot es häiloses Gfluech und Gjoomer aa. Äin vo de Junge dräit fascht duure. Numme, s isch wie allewyyl: Die, wo jetz am dümmschte gäitsche, syy die, wo der neecher Früelig, wenn der FCB mit em Yakin wiider Mäischter isch, am lütischten uf am Barfi umme gragööle.
dimbere = dämmern
späiche = entlassen
