D Böschtler häi, wie miir alli, alsfott mee zdue. Dorum chunnt allwäg d Boscht au alsfott e chlyy spööter. Daas weer jetz nit so schlimm, wenn daas mit den elektrische Döffli nit weeri.
Früener hed der Böschtler ammen au Verspöötig ghaa. Aber denn nit, will er e Huffe z due ghaa hed, näi, will er öbbe nöime glöögeled hed. Äinewääg, de hesch iin aber immer ghööre choo. Hütte, mit deene lutloose Pfupfer, hesch käi Aanig, wenn diir d Boscht in Briefchaschte gheit wird. Daas bedüted, as den oobenewägg zwölf Mool an leere Briefzgi secklisch – nummen as daas emool gsäit isch.
glöögele = gewohnheitsmässiges Trinken
oobenewägg = mindestens