Miir häi e Chüttenebaum. Äis Joor mache miir vo de Frücht Chüttenegallere, s ander Joor gits Schnaps druus. Vo beedem häi miir e huffe im Chäller. Numme: D Chüttene Gumfidüüre wird äinisch schimmlig und der Schnaps chönnsch eewig bhalte – und sygs numme zum yyryybe. Halt fascht e chlyy wie Medizyyn. Hüür weer wiider Gomfi draa gsii. Aber wies die Früchtli gspürt hätte. Chuum hed d Frau nämmlig Gumfidüüregleeser baraat gmacht, syy die drei leschte Frücht aabghäit und es isch nüt gsii mit Gumfi. Iich bii sicher. S neecher Joor, wenn miir wiider öbbis Gscheits uus deene Frücht mache, isch der Baum wiider graagled voll.
Chüttenegallere = Quittengelée
graagled = übervoll
