D Bundesbreesidäntene Eveline Widmer-Schlumpf isch z Sissech gsii – yyglaaden ins «Volksstimme»-Nachtkaffi. Und immer, wenn öbber Wichtigs ummen sich, syy au d Mitlöifer nit wytt: Öisi beede Sissecher Regierigsrööt, der äint wiider mitere schuurig änge Chälberhälsig-Grawatte. Öisi grüeni Nationaalröötene, wo bartuu nit hed welle die vo der FDP znööch an hööche Bsuech aaneloo. Sii isch äim e chlyy voorchoo, wien e Gluggere, wo achtig git, as iirem Byppeli nüt bassiert. Au öise Gmäinibreesi hed der Breesene uus Bärn d Eer aadoo – daas im woorschyynlig äinzig gattlige Hemmli, won är hed. Soo wies uusgsee hed, isch er sich aber in däm Hüenerhuffe zimmlig verloore voorchoo. Nummen äini hed Ruei und Grössi bewiise, nämmlig d Frau Widmer-Schlumpf – doorum isch sii eben allewäg au d Bundesbreesidäntene.
bartuu = unbedingt
Gluggere = Bruthenne
