Es isch e herrligen Oob gsii. In de Schreebergärte bim Gottsacher häi d Italiääner wie allewyyl e zümftigi Lumpede gfyyred. Der Giovanni hed graad es Dotzed Chüngelbäi uuf em Grill überdoo und der erscht Schluck vom chüele Lambrusco gnoo, doo isch der Seppedooni vom Chrutzchläpper Hoof mit em blatschvolle Güllewaagen aanegfaare. Der Dooni hed in aller Seeleruei syy Güllen aanepflätred und wysewyy häi d Italiääner an de Chüngelbäi ummegnaggt. Gseejeter: Uf em Land goot daas no. Nit soo wie in der Stadt, wenn e baar am Ryyufer am Bröötle syy und d Aawooner wääge däm es häillooses Gstürm aplöie.
Gottsacher = Friedhof
Lumpede = rauschendes Fest
