Iich han im Ooberbaaselbiet e chlyy ummegfroggt, wies die Yyhäimische mit der blaante Fusion gseie. Soo richtig hed niemer mit der Sprooch uusewelle, bis uf e Noldi vom Chlöpfgatter Hoof. Er hed gment, es weeri halt schon e chlyy gspässig, wenn er underäinisch e Baasler weeri. Scho syy Vatter und Grooss- und Urgroossvatter syyge do oobe z Acher gfaare. Mängmool häige sii au chlyy überääfered, brezyys wie die, wo jetz wette, as Baasel und s Baaselbiet zääme chömme. Wenn me denn alben e baar Fuuren uf em Noochber syym Land gmacht häigi, häig me greedet mitänand oder e Sack Härtöpfel brocht. Joo, soo hed me sälbetsmool under Noochber no gutschiert.
Vo Fusion hed aber niemer öbbis welle wüsse.
gment = gemeint
überääfere = ins Nachbarland pflügen
