Miir syy über staubigi Wääg gstrampled – stundelang. Öisi Göppel häi usgsee, as weere miir scho daagelang in der Wüschti ummegchniemped. Myys Muul isch furzdroche gsii und iich han nummen no welle abstyyge. As wien ärs ghört hätti, säit myy Kcholeeg: «Soo, jetz gönge miir äin go haa.» Noneme Rung chunnt e Bäiz mitere gattlige Gaartewirtschaft. Iich fröi mii scho uuf es chüels Bier. Doo überhoolt öis sone vollgfrässene Döfflibueb in syynere Läädermonduur und mit syynere Grytte hindedruff und schnappt öis vor der Nase die letschte zwee freie Blätz in deere Bäiz ewägg. Iich sääg öich, wenn iich myy Chrottestächer byy miir ghaa hätti…
Monduur = Montur
Chrottestächer = stumpfes Stellmesser
