Äntlig wiider äinisch gueti Noochrichte. Der Hans Ruedi Gysi hed die Wuche no käi nöi «Initiative» yygreicht – ämmel bis jetz! Syy mer doch eerlig: Doo chunnt doch käi Sou mee druus. Äi «Initiative» jöikcht die anderi. Zerscht die, wo alles in äi Züber wäi ghäien und d Bebby noochaane d Siibesieche weere. Denn drüümool der Gysi, wo deene, wo alles wäi under äi Huet byyge, äin will ans Schiinbäi gingge. Es isch wie immer: D Politiker häi der Blausch, wie chlyyni Goofen im Sandchaschte. Doon e Burg und dört es (Luft)Schloss. Und zwüscheninne syy miir, wo in däm ganze Chruusimuusi no sette druuschoo. Und soo chunnts, wies chunnt – oder eben au nit.
jöikche = jagen
Chruusimuusi = Durcheinander
