Ich lääs in der Zyttig: Bim AKW-Gösgen isch alles in Oornig, sägen ämmel zwee Dökter, wo dört öbbis z sääge häi. Daas fröit äim. Zwee Sytte wytter lääs iich, as um e Katastroofeschutz in der Schwyz schlächt bstellt syygi. Sets doch äinisch Ungfell gee, zum Byspiil bim en AKW, weeris schlächt bstellt um öis. Daas fröit äim weeniger. Zwee Daag spööter lääs iich: S ENSI (Eidgenössische Nuklear-Sicherheitsinspektorat) hed die vom AKW-Gösge grüffled. Es syyg ebe nit würklig alles in Oornig. Daas fröit äim jetz überhaupt nit und me frogt sich halt scho: Waas gältet jetz?
bsunderbaar = sonderbar
Ungfell = Unglück
