Früener ischs s root Chiirssi gsii. Hütt isch efangen überall es roots Doomätli, oder wie me chuchitechnisch richtig säit, es Cherry Tomätli druff. Jetz feelt syy numme no, as äin der Furz hed und son es Doomätli uuf em Meeräng blassiert. Daas geecht jo no. Richtig aargg wirds erscht, wenn mit dyyner Liebschte nöimen inere düüre Knille hocksch und diir daas roote Ding häiss serviert wird. Wenn de nämmlig mit der Gaable dryystichsch und nit uufbassisch, hed die Liebschti der ganz Doomatesaft im Uusschnitt. Also liebi Bäizer: Löit daas mit dene chäibe roote Doomätli doch in Zukumft äifach syy. Danke!
Meeräng = Meringue
blassiere = platzieren
