Lutter schlächti Noorichten und Ruine. Zerscht mues me lääse, as d Faarnschbrg am Zäämegheien isch und me s Gäld für zum d Ruine reperiere nümm findet. Am Apstimmigs-Wuchenändi chunnt d Baaselbieter Regierig ghöörig äin uuf d Chappen über. Die fünf Regierigsrööt hocken an der Brässekonferänz doo wie gschlaageni Hünd. Numme der Seckelmäischter duet e chlyy bockbäinig und säit daas, waas e Politiker mäischtens säit, wenn er verloore hed: Soo, jetz selle die andere luege.
Aber iich bii sicher, glyy äinisch syy d Ruine Faarnschbrg und die fünf Ruine z Lieschtel wiider oordeli hääregrichtet und s goot wiider obsigänd.
lutter = ausschliesslich
obsigänd = aufwärts
