Joorelang hed sich der Isaac gwunden und grangged. Er hed immer wiider nöi Uusreede gfunde, as er z Sissech nit an Banndaag müesi. Äinisch hed er syyni Döchtere voorgschoobe: «So lang käini Fraue, oder besser gsäit syyni Mäitli, nit an Sissecher Banndaag dörfe, chiem er au nit.» Oder denn isch er genau zue deere Zytt in d Ferien oder er hed sünscht e fuuli Uusreed ghaa. Jetz aber, won er in Regierigsroot gweelt worden isch, mues er choo! Halt nummen as Reedner, aber äinewäg. Es isch halt fadaal, wenn me nit voorhäär überläit und sich ooni gross Gedanke z mache, sich äifach in Regierigsroot loot lo weele. Jetz hed er der Dräck – besser gsäit der Fliider.
rangge = sich winden
fadaal = fatal
