Der Noldi vom Chlöpfgatter-Hoof z Bämbel findets e chlyyn e Schnapsydee: s «Projekt Stadt-Tomaten». As Stedter jetz sette Doomaten uuf em Fänschtersimsen aapflanze, will iim nit so rächt in syy bräit Schäädel. Aber wies mäischt, wo in der Stadt voor sich goot, chaa sich der Noldi au dä Furz nit rächt erkläären und isch drum froo, as er wytt hinden und wytt ewägg vom Gstürm in syym Chrache cha huuse. Aber öbbis guets häigi die Sach denn velicht scho no, hed er do letschti zue miir gsäit. Wär wäiss, hed er gmäint: Velicht pflanze die in der Stadt emänd no Chiirssiböim in de Graaniumchischtli und chömme denn nümme, wie d Hunnen uuf iiren Erooberigs-Fääldzüg, syyni Chiirssi cho stibytze.
Bämbel = Bennwil
stibytze = stehlen