Mängisch ischs schon e vercheerti Wält. Jetz reege sich die in der Stadt uuf, will überall so «Döner-Boxe» ummeligge. Es gseechi efangen uus, wie imene Söistel, hed miir der Diggen uus em Chläibaasel verzellt. Jä, hets den in deere Stadt käini Mischtchübel? Oder syy emänd der Groossdäil vo de Baasler äifach numme Söiniggel, wo wien e Tschuppele Wildsöi der Dräck hinder sich löie lo ligge? Aber der Gluu an deere Gschicht isch, as nit die, wo der Ghüsel äifach uuf e Boode gheie, an d Kasse chömme. Näi. Für Oornig müese die soorgge, wo die «Döner-Box» an d Gescht apgääbe. Aber daas hed sicher nüt mit däm zue, as daas nit Schwyzer syy!
emänd = etwa
Söiniggel = Schweinehunde
