Wie sichs für e rächte Maa ghört, han iich am Valentyynsdaag myynere Liebschten e Mäie boschted. Iich sääg öich, soo vill Mannen uufs Mool han iich s letscht Mool z Sissech am Banndaag gsee. Es isch gloffe wie an ere Chilbi. Won iich draa gsii bii, han iich e gattlige Struuss uusgsuecht. Äin won iich gwüsst haa, as myy Frau e soumeessigi Fröid draa hed. Won iich mii den zum Laadedisch fürekämpft haa, frogt mii die nätti Verchäuffere, bevoor sii d Bluemen in Bapyyr yywigglet, öbb iich im Diräkte häi geechi? He? Waas goot denn die daas aa? Aso, daas isch au no s Buggee, e – s Dupee!
Buggee = Blumenstrauss
Mäie = Blumenstrauss
