Joo, iich gibs zue, bivoor d Underlippe vo Herrlibärg oder e düchtige Schryyberling derhinder chunnt. Myy Frau hed hüür bim GESI (Gwärbverein Sissech) Wienechtswettbewäärb e falsches Märkli uuf d Charte gchläppt. Äifach soo. Ooni miir öbbis z sääge. Aber die bim GESI syy jo nit blööd und häi daas natüürlig dutzwytt gmerkt. Won iich myy Frau gfroggt haa, öb daas woor syygi, as sii bschisse häigi, hed sii zerscht e chlyy ummegmuchsed und nit welle mit der Sprooch uuserücke. Denn, nooneme Rung, hed sii s denn aber zugee und gsäit, sii mieche daas nie mee.
Mues jetz myy Frau zruggdräte?
Woored = Wahrheit
ummemuchse = rumjammern
