Soo, jetz wäi miir im olte Joor no äinisch über d Hülfteschanz uuseluege – nach Nordkorea. Isch nit graad am Wääg, aber äinewääg. Woorschyynlig schwätze die dört au nit Baaselbieterdialäkt. Au deranderwääg häi die arme Lüt dört ääne nit vill, wo sii sich chönne draa fröie. Nit emool e gscheite Balbier häi die, suscht hätte der verstorbnig Kim Jong II und syy Noochfolger, der Kim Jong Un, nit son e Tschuppel uuf em Chopf.
Aber gscheech nüt Schlimmers. Öich allne e gueten Aafang im nöie Joor und syt zfriide, as miir im e Land lääbe, wos feini Gwuafför git. Under anderem.
deranderwääg = sonst
Balbier = Dorfcoiffeur
