Jetz, wos wiider früener finschter wiird, mues men e chlyy uufbasse, as me nit e Seeleschmätter yyfoot. In deere dimberige Zytt blybt men au besser dinne, nit as äim no der Nachthöiel hoolt. Und doch: Öbbis guets hed die Feischteri. Nääbedraa, bim Noochber häi sii nämmlig es «Trampolin» uufgstellt, wo die drüü Chiinder der halb Oobe drufummegumpe. Das macht denn alben e häide Läärm, will allwääg d Fäädere vo däm Duurgräät nit richtig yygfetted syy. Drum: Jetz, wos eender yynachted, syy au d Chinder nümme so lang dusse – dir merket, was ich mäin.
Nachthöiel = Kauz
Seeleschmätter = Depression
