In der «Tages Woche» hed me chönne lääse, wien en Affykaat übers Baaselbiet häärezoogen isch: «S Baaselbiet chaa mit gaar niemerem zääme schaffe», hed de guet Maa under anderem gifteled. Denn hed er sünschnt non e baar unmanierligi Sache uusegloo – so richtig vom Lääder zooge. Dumm isch jetz halt numme, as me de Bolderi nit kennt. Aber soo wie me d Affykaate kennt, syy die jo lieber im Hindergrund – dört won iine nüt chaa bassiere. Aber velicht isch au ganz anderscht. Velicht hed der Schryyberling vo der «Tages Woche» au nüt gwüsst z schryybe und hed äifach öbbis erfunde. Hejoo, sünscht hed er jo der Naame vom dem Heer, wos Baaselbiet derwääg duur e Gaggoo ziet, in d Zyttig gschriibe – müest me mäine!
Affykaat = Advokat
Bolderi = polternder Mann
