Wüsset diir, waas zur Zytt die mäischt gstellti Froog isch? Näi, s goot nit um d Waale. Au nit drum, wär as weelere Partei wiider der Chopf uus em Waalblakaat gnyppered hed. S goot um s Aapflanze. Der Hinderscht und Letscht, au wenn er nummen e baar Dräckböllen ums Huus umme hed, pflanzt deere Chäiben aa. Bisch nöimen yyglaade, gits sicher e Suppen uus deene Chürpse. Voor jeedem Buurehoof stoot e Brütschiwaage, güftig voll mit so oorangsch-gääle Maluune. Aber s schlimmscht isch, äfang e Jeeden und e Jeedi, wo miir übere e Wääg lauft, frogt: Chönnsch nit Chürbis bruuche? Näi und noomoll näi: Iich chaa käi Chürbis bruuche!
Maluune = Kürbis
Brütschiwaage = Brückenwagen
