Wenn iich alben in d Duschi yynechumm, hange sii scho dört, as öbb sii nach miir blangte. Duen iich denn s Liecht aazünde, dunkts mii, sii döige sich ganz süüferlig roode. Iich haa s Gfüel, wenn sii chönnte schwätze, würde sii miir woorschyynlig Grüessi sääge. Es isch jeedes Mool e schuurigi Fröid, wenn iich die zwee Kärlibursche mit deene lange Bäi an der Decki gsee. Aber hütt am Moorgge, won iich in d Duschi choo bii, syy die zwee verschwunde gsii. Äifach furt. Nienemee. Öbb daas ächt mit däm z due hed, as myy Frau am Oobe voorhäär gstaubsuugered hed? Iich mues emool z grächtlige mit iire reede.
Mäitlistääler = Weberknecht
roode = sich regen
