Z Baasel gits richtigi grüeni Nationaalrootskandidate – und s git minderi Grüeni. As me die richtige Grüene nit mit de weeniger grüene Grüene verwächslet, häi sich die richtige Grüene Voogelnääme gee. Äi Jumpferen isch es Rootbrüschtli, en anderi e Stoorchehäiri, es git e Grauräier und der äinzig Maa – joo, uusnaamswyys darf bii de richtige Grüene au e Maa mitmache – isch e Bachstälzli. Am beschte basst aber der Naame für die Jüngschti: Boppelchlään oder ebe «Kleiber». Dä chläibt, wies der Naame jo säit, am Baumstamm, fascht esoo, wien e huffe Politiker an iire Sässel.
Boppelchlään = Kleiber
Stoorchehäiri = Stoorch
