Öis beedne isch öbbis uufgfalle. Wenn miir mit em Weeloo underwäggs syy, chöömen öis immer wiider Politiker, oder besser gsäit settigi, wo in Nationaal- oder Stäänderoot wäi, mit em Weeloo entgeege. Allbott gseesch e Tschuppele verschwitzti Frauen und Mannen in blaarige Lyybli und Hoose nöimen e Hübel uufegrätte. Doobe, wenn sii wiider chönne schnuufe, verdäile sii Zeedel, wo men iiri Chöpf druff gseet – numme daasmool ooni verschwitzti Hoor. Öis zwee macht die Weeloofaarerei vo deene Kandidaaten e chlyy Chummer. Underäinisch mäine d Lüt nämmlig, miir syygen au uuf Waalkampf. Und wenns ganz blööd chunnt, wäärde miir no in Nationaalroot gweelt – numme will miir mit em Weeloo underwäggs syy.
settigi = solche
allbott = immer wieder
