Darf me daas as Politiker, oder besser gsäit as Fötzeler, so am 1.-Augschte? Zerscht e Bluet- und Boodereed haa: Wie wichtig as isch, as miir under öis blyybe, käini frönde Fötzel yynelöie, möögligscht alles Fröndländisch dusse bhalte, oder no besser uusegheie.
Und denn, noo der Reed dehäi mit de Barteifründ 1.-Augscht fyyre mit: Würscht vom Aldi, Rotwyy vo Nöiseeland und der Wyss uus Amerika, uuf em Grill es Lammrüggeli uus Auschtralien und schlussemänd d Rageete fürs Füürwärch uus China.
Darf me daas? Joo, die dörfe daas. De darfsch dii äifach nit lo verwütsche. Myy Groosvatter hed albe zue deene häimlifäisse Burschte gsäit: S isch äin nit suuber, wenn er mit alle Wasser gwäschen isch.
Fötzeler = notorischer Hetzer
fröndländisch = fremdländisch
