Am Meentig foot d Schuel wiider aa. Miir näämen emool aa, d Leerer syy uusgruit: Zytt derzue häi sii jo ghaa.
Aber waas iich sääge wett. Am erschte Schueldaag frogt d Leerere d Erschtklässler jo nach iirem Voornaame. Jo, und denn ghört sii albe männgerläi Gspässigs: Leon, Mia, Elin, Robin, Aaron, Chiara oder süscht öbbis Uusgfallnigs. Früner, zum Byspiil z Wäislige häi d Lüt albe no rächti Nääme ghaa: S Zimerbaschis Joggi, s Wächterlyynis Huldi, s Hänsihanse Hans oder s Hinderläimer Walti. Aber daas geecht jo hütte nümme. Bis die nämmlig iiri Nääme der Leerere gsäit hätte, wer d Stund wiider umme.
männgerläi = macherlei
Gspässig = Eigenartig
