E du groossdräägigi Bettlaade, hed der Schoche Miggel gsäit, won er s zwöit Mool mit em Güllewaage s Doorff duruus gfaaren isch und gsee hed, as e baar Mannen öbbis an d Ladäärnemaschte häncke. Er hed syy Dracktoor aaghalten und gfrogt, was sii doo mieche. Doo git iim äin uuf Elsässisch Antwort und säit: «Miir häncke d Waalblakaat vom e National- und Ständerootskandidat vo der SVP uuf». Der Miggel luegt daas Plakaat aa und dänkt: Gspässig, jetz stoot uuf däm Blakaat «Schweiz stärken» und e Waggis macht d Arpet.
E du groossdräägigi Bettlaade! = Überraschung
duruus = zum Dorf hinaus
