Jungi, wo fescht ans Kadoolische glaube, döige weeniger stääle, hiimache, händlen oder schleeglen as Refermierti. Daas häi e baar Schlaumäier in Dütschland uusegfunde.
Und scho goot dr Händel loos. Die Refermierte syy verruckt: Daas stimmi denn hinden und vorne nit. Au bii de Kadoolische geebis deerigi, wo rumpuuse. Die Kadoolische gääbe zrugg: Miir häi jo gaar nit gsäit, as alli Refermierte Schleeger syyge. Und soo goots hii und häär – es riise Gchiifel. Aber daas kenne miir jo. Schlussemäänd goot dä Glaubenschrieg schon e baar hundert Joor. Und soo gits halt immer wiider Händel – syygs au numme mit Worte – wenn jeede will dr Friidliger syy.
rumpuuse = sich raufen
Gchiifel = Gekeife
