Es hed schon e chlyy en Uufreegig gee, wo letscht Wuche zwöi Rindvyycher duur d Sissecher Begeegniszoone dalped syy.
Näi. Die zwöi syydige, schwarze Chäälber syy nit nöime vomene Buurehoof apghaue. Chreftigi Buurekäärli häi sen am Hälsig ghebt und Achtig gee, as die Dierli nit nöimen in de Graanium ummenüele. Won iich äin vo deene Buuremanne gfrogt haa, waas sii doo so zmitts im Dorf mieche, säit är: «Miir mache Wäärpig für d <beef 2012>, wo doo imene Joor duuregfüert wird. Daas syy jetzt schon emool die erschte Rindvyycher in der Begeegniszoone», mäint är denn no. Iich haa müesse lachen und gsäit, är selli emool am Samschtigmoorggen in d Begeegnigszoone choo, wenn alles duuränander chäärlet. Doo hets düttlig mee as numme zwöi Rindvyycher.
dalpe = trotten
Hälsig = kurzer Strick
