Soo. D Waale syy duuren und s Lääbe goot wytter. Äim Regierigsroot hed e zümftige Wind um d Oore gchutted. S Volch hed iin nämmlig nümme welle. Tschuld syy, wie immer bii soneren Apwaal, die andere. Aber wär wäiss. Velicht hed sich s gmäini Stimmvolch no mööge zruggbsinne, as doo voor e baar Joor z Ryynech emool öbbis gsii isch mit emene Drottwaar voor emene Sportgschäft. Aber löie miir die alte Gschichte lo rueie.
Nöi isch jo ap em Summer e Grüenschnabel, oder besser gsäit e Grüenlächtigen im Baaselbieter Regierigsroot. Mir wäi luege, wie dä dört unde zgang chunnt. Öbbis isch jetz aber scho sicher. Es Drottwaar hed är käis voor syym Huus.
Drottwaar = Trottoir
grüenlächt = grünlich
