Doo häi miir aber an dr letschte Chüngelerversammlig es Züüg ghaa. Jetz will doch dr Rüedel um s Verwoorgge no äinisch in Voorstand gweelt wäärde. Derbyy isch dä scho 71 und scho lang an käiner Kchommissioonssitzig me gsii. Dä chunnt äifach und säit: Iich bii no zwääg und will no äinisch zooberscht oobe stoo. Derbyy hätte miir gärn e Jüngere ghaa. Miir häi äigedlig au abgmacht, as sich alli – au dr Rüedel – müesen ere ghäime Waal stelle. Aber ooha lätz. Doo syy miir an falsche groote. Äntwääder diir machet, waas iich sääg, oder iich ghei dr Bättel aane, hed dr Rüedel boldered. Und jetz häi miir dr Salaat. Die Junge syy hässig und dr Rüedel hed öis Knilchen äinisch mee d Hüener yydoo.
dùùrestiere = erzwingen
um s Verwoorgge = unbedingt
