Näi, hed s Fröilläin gmäint. Die chaa me nit äinzel haa. Das syyg es bsunders billigs Aabott. Ahaa, han iich gsäit und das Vierer-Päckli mit Däigwaare no äinisch in d Hand gnoo. Schöön gattlig syy doo vier verschiideni, aber schlussemäänd doch fascht glyychergattigs Nuudlen yypackt gsii. Numme d Forme syy e chlyy anderscht gsii. Es hed nämmlig äinisch dünni, dicki, bläichi und langi Nuudlen in däm Päckli ghaa. Und denn erscht no dä Bryys. Soumessig günschtig. Bigott scho fascht e chlyyn es Schandbott.
Wie mee iich jetz aber das Vierer-Päckli aagluegt haa, isch miir es anders, es äänligs Vierer-Päckli yygfalle. Numme syy dört käini Däigwaare driin.
Aabott = Angebot
glyychergattig = gleichartig
Schandbott = Unverschämt billiges Angebot
