Joo. Iich gibs zue. Iich due öbbe zwüscheduuren e chlyy schnarchle. Nit staarch, eender son es fyyns Chlüüsle. Äinewääg. Myy liebi Frau lytt halt denn amme wach im Bett und chaa nit schloofe. Und e Frau, wo nit chaa schloofe, macht sich iiri Gedanke. Und e Frau, wos sich z vill Gedanke macht – daas isch nit guet.
Aber es git Rettig. Iich haa nämmlig glääse, wenn me Didgeridoo spiilt, hälfi daas gege s Schnarchle. Wüsseschaftler – vo Züri – häi uusegfunde, as s Bloosen in daas Muusiginstrumänt genaau die Musklen im Rache «trainiert», wo bii de Scharchlichäibe z schwach syy. Numme. Öbb myy Frau jetz besser chaa schloofe, wenn iich im Schloofzimmer in s Didgeridoo bloos?
chlüüsle = säuseln
Didgeridoo = Kein typisches Musikinstrument aus dem Baselbiet
