Zunzge – scho wiider! Noodysnoo dyychle z Zunzgen alli dervoo. D Gmäinibreesene, e Gmäindroot, dr Verwalter und as letschte dr Uusbilder, wo em EHC hätt selle s Schlyffyysele byybringe. Wär goot as nächschts? Dr 76 jöörig Oltgmäinibreesidänt? Allwääg chuum! D Yywooner? Näämen alles mit. D Büchelfaane, D Friidhoofsglogge. D Hünd, d Chatzebüüsi, d Chüe. Äifach alles. Iich maag miir daas gar nit vorstelle. Zunzge wie uusgstorpe. Numme non e baar uusgmeerggledi Lämmergäier drüllen am Himmel iiri Rundenen überem dootestille Dorf. E baar letschti Grammisvöögel rääre druurig vom Büchel aaben und dr 76 jöörig Oltgmäinibreesidänt hed syy Ruei.
dervoodyychle = davonschleichen
Grammisvoogel = Wacholderdrossel
