Es hed jo äinisch müese choo. Jetz isch denn nämmlig fertig mit Rossböllen uf d Strooss lo gheie. Glyy mues jeede Bygger – wie z Flims – Windlen aalegge. D Rösser – ooni Windle – döie nämmlig dört oobe die ganze Wanderwääg mit Rossmischt verchäibe. D Kchuurgescht häige schyyns efange müese «Slalom» laufen um die ville, stinkige Schyysshüffen umme. Esoo geechis nümmi wytter, häi die z Flims gsäit. Und drum müese jetz alli Rösseler und Gutschner in e Wickelkurs, wo sii leere, wie me z grächtem feesched. Joo. Daas döönt jo alles guet und rächt – Rösser mit Windle. Numme, daas wett iich gsee, wie men es Ross uuf e Wickeldisch bringt, denn uuf e Rugge drüllt und em Windlen aaläit.
Bygger = Pferd
feesche = Säugling wickeln
