Äinisch under em Joor chrutted und gnäggled dr Gärtner in öisem Garten umme. Soo, as alles wiider e Gattig macht, wenn dr Winter chunnt. Aber woorschyynlig isch daas däm schyyssebyppi, öb öise Garte schöön uufgrumt isch. Joo. Em Winter scho, aber numme halt dr Frau nit. He nu so denn.
Und jeedes Joor chunnt irgend öbbis under d Rääbscheer vom Gärtner, wo äigedlig rueig hätti dörfe blyybe stoo. Hüür isch es e chlyyne, häärzigen Öpfelbaum gsii. Er hed äifach s Bäch ghaa, as är im falsche Momänt am falschen Ort gstanden isch. Aber wie gsäit. Mit Verluscht mues me halt rächne.
Hauptsach, öise Garte macht e Gattig.
chrutte – Unkraut jäten
schyyssebyppi = ziemlich egal