E isch immer s 27 gsii! Und jetz hed underäinisch irgend son es Gluuri d Zaal gwäächsled. Soo gschnäll isch es Unglück bassiert. Iich lauf also im Gmüeslaade mit zwöi Peperoncini an d Woog aane und drück s 27 – wie allewyyl halt. Und waas chunnt uuse? Es Zeedeli, wo druffestoot Chüttiger Rüebli. Aso nüt gege die z Chüttige. Aber wenn iich Peperoncini will, will iich käini gääli Rüebli. Und gsäit diir. Soo gschnäll goots. Wenn me nit soumeessig uufbasst, hed men underäinisch Rüebli vo Chüttigen im Yychaufsgäärnli. Derbyy hättisch für s Curry Peperoncini bruucht. Und Curry mit Chüttiger Rüebli. Dass goot jetz aber wüürklig nit. Iich hoff numme, ass die im Gmüeslaade söttigi kulinaarischi Fyynhäite zuekümpftig besser beachten und d Peperoncini glyy wiider uuf s 27 wächsle.
zunderopsi = durcheinander
Gluuri = schlauer Mensch
